LAOAG CITY – Nagturong ni Bise Presidente Jejomar Binay kadagiti lugar ditoy probinsia tayo nga kangrunaan a dinalapos ni Bagyo Ineng.
Da Gov. Imee Marcos ken ti bise president ti nagkuyog a nagibunong ti relief goods ken dadduma pay a tulong.
Ti gropo da Binay ken Marcos ti nagturong iti ili ti Pagudpud no sadino a sumagmamano a balay a dinadael iti alipugpug iti kangitingitan ti bagyo Ineng.
Kalpasan iti ili ti Pagudpud ket simmaruno a nagturong ti grupo idiay ili ti Burgos ken Pasuquin.
Inpanamnama ni Binay nga adda ipaay ti Office of the Vice President nga 500 a bags a relief goods para iti Laoag City, 500 para iti ili ti Nueva Era ken 1,500 iti ili ti Solsona.
Kuna pay ti bise presidente nga adda pay seedlings nga ipaay ti opisina na para kadagiti mannalon a nadadael ti mula na gapu ti bagyo. (tsg w/ bbr)
