Manamnama a malukatan iti daytoy a panawen ti bakasion ti aplikasion para kadagiti agkalikagum nga agbalin nga scholar ti probinsia.
Imbatad ni James Ventura ti Sirib Ilocano Kabataan Association a kangrunaan ditoy ti Sirib Young Leaders Scholarship ken ti Sirib Community Leaders Scholarship.
Kunana a babaen iti daytoy, apaman nga aglukat ti klase intono Agosto ket apagisunto a maiberipikar no asino dagiti baro nga scholars ti probinsia.
Maipalagip nga iti kalkalpas nga school year ket naruay dagiti scholars ti probinsia ti nagturpos.
Naammuan nga umabot dagitoy iti sangagasut a kaipapananna nga adu manen dagiti baro nga scholars a matulongan iti babaen ti scholarship program ni Gobernador Imee Marcos.
Immunan nga inrakurak ti gobernador a kalikagumanna a mapalawa pay ti nasao a programa tapno ad-adu pay nga agtutubo ti matulongan ti probinsia a makaileppas iti kurso. (PGIN-CMO)