Isagsaganan ti Ilocos Norte Provincial Tourism Office dagiti aktibidad para iti “Semana ti ar-aria”.
Segun ken ni Provincial Tourism Officer Ianree Raquel nupay tinawen a ramrambakan daytoy ti probinsia, naidumduma ita a tawen gapu ta mailatang ti maysa nga aldaw a panangipaay ti pammigbig iti “horror queen” ti pagilian a ni Miss Lilia Contapay a pimmusay itay laeng kallabes.
Nupay kasta, kunana a mannarimaan pay laeng ti pannakaiyurnos no ania nga aldaw a maisayangkat ti “Lilia Cuntapay Day”.
Imbatadna a kas iti naipagagangayen, maiyusuat tit umba a tradision itii li a Paoay.
Inlawlawag ni Raquel a maipalawa daytoy agingga idiay Currimao a pakaisayangkatan ti sumagmamano nga aktibidad intono Nobiembre primero.
Manamnama a nupay daytoy ti kaunaan a gundaway nga awan ti dati a horror queen a mangpadaeg iti okasion ket adu latta dagiti turista nga umay mangimatang iti daytoy. (PGIN – CMO)