Naiget a supsuportaran ti gobierno probinsial kangrunaanna ken ni Gob. Imee Marcos ti maisayangkat a Mental Health Global Action Program.
Segun ken ni Provincial Health Officer Dr. Josephine Ruedas, karaman kadagiti agatendar ket dagiti 21 a Municipal Health Officers ken dua a siudad, Nurses ken 50 a SIKA Peer Councelors.
Inbatadna nga isponsoran daytoy ti World Health Organization ken panangsupurtar ti Ilocos Norte Youth and Development Office ti kapitolio probinsial.
Inlawlawagna a ti nasao a programa ket pakaseknan pay laeng dagiti drug surrenderees no kasano ti panan- classify wenno panangrupo kadakuada.
Inbunannag ni Dr. Ruedas a daytoy ket kalpasan a naipaiman iti biang ti Dept. of Health manipud iti Dept. of Interior and Local Government ti community based program kadagiti drug surrenderees.
Inpalgakna nga agingga kadagitoy ket awan pay ti naan-anay a na training a health personnel, Doctors, Nurses ken Barangay Health Workers nga agtitinnulong a mangipaay ti pannarabay ken tumulong kadagiti drug surenderees nga agserbi iti normal a biagda. (PGIN-CMO)
