55 GIP beneficiaries mangrugin nga agtrabaho iti cityhall, LCGH

LAOAG CITY — Nangrugin nga agtrabaho dagiti lima pulo ket lima nga agnaed ditoy syudad babaen iti Government Internship Program (GIP) iti tulong iti Department of Labor and Employment.

Agsweldo dagitoy ti 210 pesos wenno 75% iti 280 pesos a minimum wage iti Ilocos Norte.

Dagiti naala nga agtrabaho a kas GIP ket mai-deploy kadagiti nagduduma nga opisina iti City Hall ken iti Laoag City General Hospital.
Naamuan a tallo a bulan nga agpaay dagitoy iti goberyo babaen iti nadakamat a programa.

Dagitoy met ti nagyaman kenni Laoag City Mayor Chevylle V. Fariñas gaput ta naikkanda ti oportunidad nga agtrabaho iti gobyerno ti cuidad.

Kasta pay a nagyamanda iti DOLE gapu iti daytoy a gundaway, maadalanda iti naan-anay a panagtrabaho iti sidong ti gobyerno. (Roman/Laoag City – PIO staff)