2 kargador insubli da ti wallet nga addaan P48,000 cash

LAOAG CITY (Jan. 5) — Dua a kargador ti nangisubli ti napidot da a wallet a naglaon iti P48,020.00 cash, driver’s license, ATM cards ken nadumaduma nga ID cards.

Da Art Dyna ken Elmer Gargara, agpada nga trabahador iti maysa nga pagtagilakuan iti softdrinks iti Laoag City, nangi-surrender ti napidotda a banag iti iFM station, maysa nga FM station ditoy syudad idi January 2, 2018.

Ti nasao a wallet ket kukua ni Jesel Ramos a taga ili iti Vintar, Ilocos Norte.
Maragsakan unay ni Ramos ta sigud a naisubli iti wallet na. (tri-media report)

*(Photo credits to Dennis Alipio/GMA news)