LAOAG CITY — Impannakkel ni Matilde Neri, provincial librarian ken mangidadaulo ti education department ti gobierno probinsial a naruayen nga agtutubo ti natulongan ti gobierno probinsial a nakaturpos iti panagadalda.
Imbatadna a daytoy ket babaen kadagiti scholarship program nga impatungpal ni Gob. Imee Marcos.
Manipud school year 2015-2016 agingga iti school year 2017-2018 ket immabot iti 272 dagiti Sirib Academic Scholars a nagturpos idinto a 1,155 met dagiti nakaturposen iti TechVoc.
Inbunannag ni Neri a kadagupan dagiti nadakamat nga iskolar a nagturpusen iti panagadalda ket naruay kadagitoy ti nagballigin kadagiti sinerrekda a propesion.
Mangnamnama ni Neri nga ad-adu pay ti mabenpisiaran iti daytoy a programa ti gobernador gapu ta kalikagum ni Senior Sang. Panlalawigan Member Matthew Joseph Marcos Manotoc a manayunan pay dagiti agdama nga scholarship program ti probinsia.
Innayonna a malaksid iti Sirib Academic scholarship, Sirib Young Leaders Scholarship, Sirib Community Scholarship, Athletic Scholarship ken techvoc scholarship ket kalikagum ti vocal a maipatungpal pay ti scholarship para iti senior high school ken ti National Movement of Young Legislators wenno NMYL scholarship program. (PGIN-CMO)
