CURRIMAO, Ilocos Norte (Oct. 9) – Kinumpirmaran ni Mr. Arthur Valente, Fishery Regulatory Coordinator ti probinsya nga adda nakalapan ti maysa a barangay kagawad a maysa a pawikan iti baybay a paset ti Brgy. Maglaoi-Norte, Currimao, Ilocos Norte.
Kuna na a nakalapan ni Barangay Kagawad Sendong Barola ti maysa nga Hawksbill Turtle nga addaan ti kaatiddog nga 45 centimeters ken 35 centimeters met dagiti parasites na.
Segun kenni Valente, gapu iti naiget a pammalagip kadagiti mangngalap a saan a dangran ti makalapan a pawikan, insigida a inpakaamo da kadagiti awtoridad karaman iti opisina daytoy.
Insigida met laeng a naisubli iti baybay ti nasao a pawikan gapu ta awan ti nakita da a sugat ken daytoy ket nasalun-at ken napigsa.