Ti naglabas a sumagmamano a bulan, agsasaruno dagiti pugante a matiltiliw dagiti kameng iti polisia manipud kadagiti paglemlemenganda a lugar ti ruar iti probinsya nga Ilocos Norte. Awan kadatayo ti bilang dagiti naarestaren a pugante.
Ti nakemmeg itay nabiit ket maysa a No. 5 Most Wanted Person a tubo iti Badoc, Ilocos Norte. Segun ti polisia, ibilangda a maatap a gun for hire isuna. Naarestar isuna idiay Pangasinan babaen ti arrest warrants nga inyetnag ti dua nga hues ditoy Ilocos Norte para iti nagduduma a kaso kriminal.
Dayta met ti delikado kadagiti appo a hues ta isuda nukua ti pagdas-alan ti panagibales. Numan pay trabaho laeng ti ar-aramidan nga annong iti Korte, biag ken karadkadda ti mairisgo. Ngamin, awanen ti nalimpio a panunot dagiti maseknan no panagibales ti agpannuray ti ania ditan nga wagas.
Tunggal adda matiliw a pugante nga adda iti listaan dagiti Most Wanted Persons iti Ilocos Norte, personal a maipresentar isuna ken ni Gob. Imee Marcos giddanna metten a crosan iti ikis wenno letra “X” ti ladawan ken nagan ti tao iti listaan dagiti mamaingel a pugante ditoy probinsya.
No kasta nga adda agballigi ti polisia kontra pugante, ipannakkelda nga ibaga nga atiddog ti ima iti linteg kontra kriminalidad.#
