Umaboten ti 340 dagiti naisuko a paltog — PCR chief Corpuz

LAOAG CITY – Umab-aboten ti 340 ti bilang dagiti naisuko ken naideposito a paltog nga addaan expired ti lisensiya kadagiti nagduduma nga istasyon ti pulisya ditoy probinsiya ti Ilocos Norte.

Inbatad ni P/CInsp. Dexter Corpuz, chief ti Police Community Relations Office ti Police Prov’l Office, a no ikumpara idi tawen 2016, agdagup laeng iti 150 a paltog ti naisuko ngem ita a tawen ket umabuten ti 340 uray nu ada pelang ti bulan ti Oktubre.

Ibilang ni Corpuz daytoy a nagun-od da a bilang ket gapu iti balligi a kampanaya nga ipakpakatda nga information dissemination.

Kuna pay ni Corpuz a babaen kadagiti inwaywayat da a search operation panggep ti unrenewed license dagiti paltog, checkpoint, oplan bakal addan 64 a paltog dagiti nakumpiskar ita a tawen.