Mamati ni Gobernador Imee Marcos a ti kaadda dagiti maipuspuslit a bawang a maiserserrek iti pagilian ti ramut ti problema dagiti mannalon mainaig iti bawang.
Imbatad ti gobernador nga awan ti maipaay a napintas a presio ti bawang gapu iti “smuggling.”
Kunana nga iti agdama ket agsusukot ti parikut dagiti mannalon mainaig iti bawang nangnangruna ket iti daytoy a panagaapit ti bawang ket babassit dagiti binukel ti naapit dagiti mannalon gubuay ti saan a maawatan a panawen.
Mainaig iti daytoy, plano ti gobernador a kiddawen kadagiti senador a mangaramid ti addang tapno malabanan ti smuggling.
Mangnamnama ni Gobernador Imee a daytoy ti pangrugian ti isasayaat ti mapastrek dagiti mannalon nga agmulmula ti bawang, babassit man wenno dadakkel ti binukel ti apitenda. (PGIN-CMO)
