Itultuloy ti Expert Global Solutions (EGS) ti ag-recruit kadagiti baro nga empleado-da iti maipatakder to a kompaniada ditoy Ilocos Norte.
Segun ken ni Nicole Rudio iti Provincial Employment and Services Office ti kapitolio probinsial, sumagmamano nga ili ditoy probinsia iti pagturungan dagiti kameng ti EGS a pagalaan kadagiti agplikante.
Kunana nga inton Enero 21, naituding nga agturong dagiti pannakabagi ti nasao a kompania idiay Dingras.
Inton Enero 22, agturongda met idiay Batac City, Enero 23, iti ili a Bacarra ken inton Enero 24 ket iti ili a Pasuquin.
Inlawlawag ni Rudio a mismo a dagiti pannakabagin ti kompania iti dumanon kadagiti nadakamat nga ili tapno saanen nga agplete pay dagiti kayatna ti agaplikar.
Adu pay nga empleado iti kasapulan nga alaen ti EGS agingga nga agtapos daytoy a bulan ti Enero.
Gapu iti daytoy, iyaw-awis ti gobierno probinsial babaen ken ni Gobernador Imee Marcos kadagiti amin nga awanan ti pagtrrabahuan iti pananggudaway ti nasao a recruitment activity.—PGIN-CMO
