P100M, mausar iti pannaka-develop ti Little Baguio Road idiay Nueva Era

NEVA ERA, Ilocos Norte (Jan. 10) – Mangipaay ti P100 milyon ti Department of Tourism (DOT) para iti pannakapadur-as ti turismo iti ili ti Nueva Era.

Naamuan kenni Mayor Aldrin Garvida a ti nasao a pondo ket mausar iti pannakasemento ken pannakapapintas ti makun-kuna nga ‘Little Baguio Road’ a masarakan iti paset ti Brgy. Sto. Niño.

Ti nasao a kalsada ket addaan ti kaatiddog a lima a kilometro.

Nagyaman ni Garvida kenni Gobernador Imee Marcos gapu iti naiget a panangkidaw na iti DOT Fund.

Naamuan nga itay nabiit ket naangay ti inagurasyon ti Tribal Village iti met laeng nga ili, maysa nga baro nga attraksyon ti ili.