Kalikaguman ni Gob. Imee Marcos a matiliw met dagiti maibilang a big time drug pushers ken users ditoy Ilocos Norte.
Kuna ti gobernador a daytoy ket tapno saan laeng a dagiti babassit nga agiwarwaras ti makemkemmeg babaen kadagiti uturidad.
Inlawlawagna nga uray dagiti maibilang nga ordinaryo nga aglaklako ken agus-usar iti druga ket biktima da gapu ta adda dagiti dadakkel a drug pushers a mangidurduron kadakuada.
Maamti ti gobernador nga agraira ti panagiwaras iti druga gapu gapu ta nalaka ti presyo na iti agdama no ikumpera iti napalpalabas nga aldaw.
Gapu iti daytoy, tarigagayan unay iti ina ti probinsia a naan-anay a mapagsardeng iti problema ti druga tapno maalay-ayan dagiti mapaspasamak a krimen ditoy probinsia.
