LAOAG CITY, (March 18) – Inyusuat ti gobyerno ti syudad iti dua (2) nga aldaw nga infection control training babaen iti pannulong dagiti experto a duduktor ti St. Luke Medical Center, Quezon City.
Ti naiyusuat a training ket inatendaran dagiti nasurok sangagasut limapulo (150) a tattao nga agbalinto nga empleado iti Laoag City General Hospital pakairaman dagiti agdaman nga agserserbi iti ospital ti Laoag . Ditoy a naisuro dagiti alagaden ken aramiden no kasano a ma-control ti infection , kas iti Isolation requirement, proper disposal of waste, food handling ken dadduma pay. Naiyadal pay nga iti pinagbuggo iti ima iti kangrunaan wenno kasanayan nga aramid tapno malapdan iti ania man nga infection.
Kinuna ni City Administrator Cipriano Hilarion Martinez III a kalikagum ni City Mayor Michael V. Farinas a maiyusuat iti kastoy a panagsanay kadagiti amin nga agbalinto nga empleado ti LCGH tapno natalged ken napinpintas iti maited a serbisyo kadagiti amin nga mapan iti nasao nga ospital. Dakkel pay a tulong kadagiti immatendar ta saan laeng a ti inda pinagserbi iti hospital ngem ketdi dakkel iti maitulongna agpaay iti bukodda a bagi wenno iti pamilya da iti nasao a training.
Kalpasan iti training dinayaw met ni Victoria D. Villanueva, RN iti anep dagiti immatendar ken ti nasayaat a pinangpasangbay iti gobyerno ti syudad iti grupoda.
Ti dua (2) nga aldaw a training ket naiyusuat iti Laoag City Auditorium idi March 15 ken 16 iti daytoy a tawen.
Iti agdama, madama met iti pannakaisuro ti Basic Life Support Training kadagiti narses ken doctors babaen net laeng kadagiti taga St. Luke Medical Center. (ANL/NCR- Ilocos 1 Norte)
