Naipaayan ni Governor Imee Marcos ti plaque of recognition bayat ti launching ti Listahanan iti rehion uno a naangay iti Laoag City Hall Auditorium.
Naiyawat ken ni Gov. Marcos daytot a plaque babaen kada Director Vincent Andrew Leyson ti Department of Social Welfare and Development, National Capital Region ken dati a Listahanan National Project Manager nga inasistiran ni Usec. Florita Villar, National Household Targeting System for Poverty Reduction wenno NHTS PR National Deputy Project Director.
Daytoy ket gapu iti naiget a suporta nga inpaay ti gobernador iti nasao a proyekto ti DSWD.
Impeksa ti nasao nga ahensia ti napalaus a panagyamanda ken ni Gobernador Imee kalpasan ti panangipaayna ti testimonia na iti panangiyalat ti Ilocos Norte ti kaunaan a Gawad Listahanan.
Mangnamnamada a babaen iti agtultuloy a suporta ti gobernador iti daytoy a proyekto ket ad-adda pay a maalay-ayan ti kinakurapay iti pagilian. (PGIN – CMO)