Mapadayawan iti masungad a bulan ti Agosto ni Senior Sanguniang Panlalawigan Member Matthew Joseph Marcos Manotoc, segun ti PGIN-CMO.
Daytoy ket babaen iti maysa nga organisasion a masansan a mangipapaay ti pammigbig kadagiti opisial ken dadduma pay a personalidad ken grupo a dakkel ti naaramidanna ditoy pagilian.
Impalgak ti CMO a napili ti nasao nga organisasion ti bokal a mapadayawan kas outstanding board member in the Philippines.
Ti kangrunaan a nagbasaran ti nasao a grupo ket gapu iti kaadun dagiti ordinansa a naipasa ti bokal iti uneg ti maysa a tawen a kaaddana iti takem.
Ni Manotoc ti kanayon a presente kadagiti nadumduma nga aktibidad ditoy Ilocos Norte. (PGIN-CMO)
