Bakasyunista, nalmes idiay Bangui

BANGUI, Ilocos Norte (Dec. 28) – Nabirukanen ti bangkay ti bakasyunista a nalmes iti baybay a paset ti Brgy. Baruyen, Bangui, Ilocos Norte.

Imbatad ni Pol. S/Insp. Joseph Baltazar, chief of police ti PNP Bangui nga nakita ti sumagmamano a residente ti bangkay ni Mark Ale, maysa a bakasyunista manipud probinsiya ti Laguna nga agtatapaw iti baybay.

Malagip nga inyanud ti dadakkel nga allon bayat nga adda da iti igid ti baybay kalpasan iti dakkel nga allon nga timmama iti biktima ken kadagiti kasinsinna.

Napasamak daytoy kabayatan nga madama nga agpipicnic dagitoy iti batog dagiti wind turbines ti windmill power plant iti nasao nga lugar.