Norwegian national, naarestar ditoy ciudad ti Laoag

LAOAG CITY (June 3)– Balligi dagiti otoridad a nangtiliw ti maysa a Norwegian national iti Barangay 12 ditoy ciudad ti Laoag.

Nabigbig daytoy a ni Ole Amdal, 59, naasawaan ken agnanaed iti Barangay 55-C, Salet, Bulangon ti nasao a ciudad.

Natiliw ni Amdal babaen ti bileg ti maysa a warrant of arrest nga inparuk-at ni Hon. Judge Rafiel Alzate iti RTC Branch 1 Bangued, Abra gapu ti maipagarup a panaglabsing na iti RA 9262 wenno Anti-Violence Against Women and Their Children Act.

Nairekomendar ti P24,000 a piyansa ti nasao a gangannaet para ti temporaryo a pannakawaya-waya na. (bbr)