Kaunaan nga S&T Caravan, maangay ditoy LaoagKaunaan nga S&T Caravan, maangay ditoy Laoag

By Florde Liza L. Alida

Isayangkat ti Departamento ti Siyensiya ken Teknolohiya (DOST) ditoy Rehiyon Uno ti kaunaan nga S&T Caravan para iti umuna a distrito ti Ilocos Norte ita nga tawen ditoy Siudad ti Laoag, Probinsiya ti Ilocos Norte inton Pebrero 26-28, 2018 babaen iti panagkamayet ti lokal a gobyerno ti Laoag ken Science and Technology Center ti Probinsiya ti Ilocos Norte.

Dagiti kangrunaan nga aktibidades ket pakaibilangan ti livelihood trainings weno panagsanay kadagiti umili para iti panggedan ken technology for a weno taripnong a no sadinno ket maadal dagiti baro a teknolohiya a mabalin nga adaptaren weno usaren tapno mapabileg ti operasyon dagiti agnegnegosyo, mannalon, ken daduma pay a sector ti komyunidad.

Maipakita met babaen ti exhibits dagiti nadumaduma a serbisyo ken programa nga ipapaay ti DOST iti benneg ti salun-at, agrikultura, negosyo, ken daduma pay.

Maysa a gandat ti S&T Caravan ket ti pannakabukel ti Science and Technology Coordinating Council weno STCC ti siyudad ti Laoag.

Daytoy ket maysa nga organisasyon iti uneg ti lokal a gobyerno ti Laoag amangkita ken mangikoordinar kadagiti problema ti komyunidad a mabalin nga sulbaren ti ahensya.

Manipud iti tema a “Science for the People”, ti maangay nga S&T Caraban ket paset ti aktibidades ti DOST tapno maipakita ken maadaptar dagiti kangrunaan a teknolohiya ken programa ti ahensya nga makatulong iti mabiit a panagdur-as ti rehiyon. (Florde Liza L. Alida)