Ti agdama a kaputotan dagiti agtutubo ken ubbing ti napnuan gagar a mangutob no ania ti pudno a kaipapanan ti Wayawaya wenno Independensya iti pagilian tayo a Pilipinas. Itoy Junio 12, 2016, ma-ika 118th a tawenen a selebraran tayo manen ti anibersaryo iti Wayawaya.
No datayo a nataengan, nabaknang ti ammotayo maipanggep ti pudno a ramen iti Wayawaya. Iti biang iti agdama ken sumarsaruno nga henerasyon , manamnama koma a maiyadal kadakuada ti pudpudno a bugas iti Waywaya.
Ania ngamin ti napagteng ti Pilipinas idi punganay? Dayta ti nalabit a saludsod ti kaadduan nga agtutubo. Atiddog nga estorya ngem haanen a parikut dayta.
Babaen ti libro, computer ken dadduma pay a moderno a gadget, aliston da Apo maestra ken Apo maestro ti mangibinsabinsa ti historya iti Pilipinas maipapan ti panakasakop iti pagilliantayo babaen kadagiti gangganaet a turayen iti naglabas a panawen a kas dagidi Espanol, Amerikano ken Hapones.
Gapu ti gil-ayab iti patriotism dagidi Appo tayo a Nagkakauna, rimsua ti panagalsada a nagtinnag iti nadara a gubat tapno a magun-od ti wayawaya ti pagiliantayo. Haan a nasayang dagidi adu a biag a nairisang, guerilyero a nasugsugatan ken sansanikua a nadadael ta nagballigi dagitoy a bannuartayo a nangtun-oy ti naan-anay a Wayawaya iti Pilipinas.#
