BAWANG

(Iluko version)

Nagbalin a kontrobersyal ti isyu iti produkto a bawang gapu ti kinangina ti presyona ti merkado itay nabiit gubbuay ti panagkamtud ti supply kadagiti tiendaan, grocery stores ken dadduma pay a sentro iti pagtagilakuan. Idiay Metro Manila, immabot ti P200-P250 kada kilo ti large size a bawang.

Timpuar ti atap nga adda hoarding wenno panangilemmeng kadagiti produkto a bawang babaen kadagiti managgundaway a negosiantes ditoy pagiliantayo. Kurkuriro pay ti kaadda dagiti imported a bawang a produkto ti pagilian a Taiwan.

No pagdasigen ti Ilocos bawang ken Taiwan bawang, mas dikalidad ti native a bawang tayo. Mas dadakkel ti kaadduan a bawang dagiti Taiwanese kumpera ti kaadduan a bawang ditoy Ilocos ngem no ti aroma a kas pagrekado ti putahe wenno birtud a kas herbal medicine ti pagsasaritaan, amang a paggugusto dagiti padatayo a Filipinos ti native a bawang.

Pagyamanan, nagsublin ti normal a presyo ti bawang idiay Metro Manila. Segun ti damag, 40 nga importers ti bawang ti blacklisted. Ditoy Ilocos, nagtalinaed ti presyo para ti large size a P180-P200 kada kilo. Haan a nababbaba ti P100 kada kilo ti small size. Nabalbalor bassit ti medium size.

Ti nasken unay, masapul nga adda napintas a presyo ti bawang ditoy Ilocos tapno kasta maital-o ti kasasaad ti panagbiag dagiti appo a mannalon nga agmulmula ti makunkuna a “puraw a balitok iti Norte”.#