Ania ti MRI?

Binulbulanen nga inlanlandayag ti Laoag City government a maaddan ti Laoag City General Hospital ti MRI (Magnetic Imaging Resonance) scanner. Itay nabiit, pormal a nalukatan iti publiko daytoy MRI facility kas paset ti 5th founding anniversary celebration ti LCGH.

Ania ti usar ti MRI? Maysa daytoy a moderno a ramit medical a mangsukisok ti ania man a klase iti serioso a sakit iti tao nangnangruna ti utek, lalaem ken amin a nasulinek a partes iti human body. Segun kadagiti eksperto medical, ad-adda nga irekomendar da ti MRI scan ngem ti agdama a nalatak nga medical apparatus a maaw-awagan ti CT (Computed Tomography) scan.

Basar ti research iti Wikipedia org, mas nataltalged ti MRI scan ngem ti CT scan. Iti biang ti MRI scan, awan ti iodizing radiation nga epekto na ti bagi iti pasiente no maidasig ti CT scan nga adda dakes nga epekto ti radiation iti salun-at iti tao.

Ti laeng problema ket nangin-ngina ti singir iti panakausar ti MRI scan kompara ti CT scan. Nadagsen a gastos kadagiti nakurapay a pasiente ngem adda sa met konsiderasyon nga ipaay ti gobierno kadagiti indigents. Kadagiti addaan ken nalaslasag, batoken da ti gastos iti rason a ti kuarta masapulan wagas a maagasan la ketdi ti sakit iti pasiente da.

Nabayag gayamen ti MRI a ramit dagiti nadur-as ken nalatak nga ospital ken klinika sipud nainbento daytoy ni Dr. Paul C. Lunterbur idi Septiembre 1971. Ditoy bukod tayo a rehion, idiay Lorma Hospital, San Fernando City, La Union ti immuna nga addaan ti MRI scanner.

Nagasat tay ngarud ditoy Ilocos Norte ta addan MRI scan ditoy LCGHospital a mangtaming kadagiti nakaro a saksakit. Haanen a nasken nga agbiahe idiay La Union, Ilocos Sur ken Manila ta adda ditoyen lugar tayo ti MRI scan.#